!["18-12-2004]("https://upload.wikimedia.org/wikipedia/commons/thumb/4/46/Checked.svg/24px-Checked.svg.png")
Los merópidos (Meropidae) son una familia de aves del orde Coraciiformes qu'entiende los abeyarucos, ( Merops apiaster) especializaos en comer inseutos voladores, sobremanera abeyes. La mayoría de les especies atópense n'África pero tamién esisten nel sur d'Europa, Madagascar, Australia y Nueva Guinea. Carauterícense polos sos plumaxes de ricos colores, cuerpos delgaos y davezu coles con plumes centrales llargues. Toos son coloríos y tienen picos curvaos escontra baxo y nales apuntiaes, que-yos dan aspeutu de golondrines cuando se ven de llueñe.
Amás de les abeyes, como suxure'l nome, comen aviespes y cualquier inseutu volador qu'atrapen en vuelu súbitu dende una percha estenada. Pero les abeyes melíferes son la so dieta predominante. La distribución de los abeyarucos ye casi idéntica a la distribución natural orixinal de les cuatro especies d'abeyes más comunes [ensin referencies]. Fry et al.[1] planteguen que 20 estudios separtaos de les dietes de 16 tipos d'abeyarucos, amuesen que los Hymenoptera (formigues, abeyes y aviespes) constitúin del 20 al 96 % de tolos inseutos comíos, y que les abeyes melíferes yeren en promediu alredor d'un terciu de los himenópteros consumíos.
Antes de tragase la presa, un abeyarucu quíta-y l'aguiyón cutiendo repitidamente l'inseutu escontra una superficie dura. Nesti procesu, la presión que-y aplica al inseutu va estrayendo la mayor parte del velenu. Notablemente, los abeyerucos namái prinden les sos preses en vuelu, pero si esos mesmos inseutos nun tán volando inórenlos.
Los abeyarucos son gregarios. Formen colonies añerando en túneles escavaos nos llaos de banquines arenoses, como les que se formen al colapsar los cantos d'un ríu. Gran númberu d'estos furacos pueden vese de cutiu xuntos, coles buelgues blanques, pol regueru de los sos deposiciones, acentuando les entraes. La puesta ye de 2 a 9 güevos (dependiendo de la especie) blancos. La mayoría de les especies son monógames y dambos padres curien los sos fíos.
La familia Meropidae contién 27 especies en trés xéneros[2] distribuyíos en dos subfamilies, Nyctyornithinae (que nes caberes versiones de la llista de Charles Sibley dixébrense col estatus de familia Nyctyornithidae) y Meropinae (los abeyarucos típicos).[ensin referencies]
Subfamilia Nyctyornithinae
Subfamilia Meropinae
Los merópidos (Meropidae) son una familia de aves del orde Coraciiformes qu'entiende los abeyarucos, ( Merops apiaster) especializaos en comer inseutos voladores, sobremanera abeyes. La mayoría de les especies atópense n'África pero tamién esisten nel sur d'Europa, Madagascar, Australia y Nueva Guinea. Carauterícense polos sos plumaxes de ricos colores, cuerpos delgaos y davezu coles con plumes centrales llargues. Toos son coloríos y tienen picos curvaos escontra baxo y nales apuntiaes, que-yos dan aspeutu de golondrines cuando se ven de llueñe.
!["]("http://ast.wikipedia.org/wiki/Ficheru:Merops-apiaster.JPG")
!["]("http://ast.wikipedia.org/wiki/Ficheru:Red-bearded_bee-eater.jpg")
!["]("http://ast.wikipedia.org/wiki/Ficheru:Rainbow_Bee-eaters_Juffs.JPG")
!["]("http://ast.wikipedia.org/wiki/Ficheru:Nyctyornis_athertoni.jpg")
!["]("http://ast.wikipedia.org/wiki/Ficheru:Littlebeeeater.jpg")
!["]("http://ast.wikipedia.org/wiki/Ficheru:Merops_orientalis.jpg")
!["]("http://ast.wikipedia.org/wiki/Ficheru:Merops_hirundineus_2.jpg")
!["]("http://ast.wikipedia.org/wiki/Ficheru:Blue_tailed_bee_eater1.jpg")
