La Anemone ranunculoides, anémona mariella, anémona mariella de monte o anémona taza de mantequilla, ye una especie botánica de planta yerbácea perenne del xéneru de les Anemone, incluyíu na familia Ranunculaceae, que crez en montes a lo llargo de la mayor parte de la Europa Continental, y menos frecuentemente na rexón Mediterránea. Floria ente marzu y mayu.
La Anemone ranunculoides algama ente 5-15 cm d'altor. La planta ye herbal. A mediaos del branu anque la planta nun desenvuelva'l so porte aereu, sicasí va estendiendo sol terrén los sos raigaños asemeyaos a rizomes. Los rizomas estiéndense rápido, contribuyendo a la so rápida espansión nes condiciones favorables del monte, lo que dexa que la planta tapice grandes estensiones del suelu del monte. La flor tien un diámetru de 1.5 cm, con cinco a ocho pétalos paecíos a segmentos, (en realidá tépalos) d'un intensu color mariellu.
La planta ta llargamente cultivada como planta de xardín, especialmente nes rocalles y polos entusiastes de los xardinos alpinos. Recibió un galardón de Award of Garden Merit(Premiu al Méritu del Xardín) ó AGM, H4 hardy throughout the British Islles (el más resistente de les Islles Britániques) pola Real Sociedá d'Horticultura.
La Anemone ranunculoides 'Frank Waley', más estendida nel so cultivu, un cultivar más resistente, dacuando ta disponible como una subespecie de porte menor A. ranunculoides subsp. wockeana y una seleición conocida como A. ranunculoides 'Laciniata', con fueyes finamente estremaes. Tamién hai un cultivar de flor compuesta, A. ranunculoides 'Pleniflora' (tamién s'atopa llistáu como 'Semiplena' ó 'Flore Plenu').
La anémona de monte, Anemone nemorosa, ye paecida a Anemone ranunculoides con flores llixeramente más grandes (de normal blanques, pero tamién pueden ser rosaes ó liles, frecuentemente con un color más escuru nel viesu de los pétalos).
La Anemone × lipsiensis ye un híbridu ente estos dos especies y tien flores de color mariellu maciu; Aemone × lipsiensis 'Pallida' ye una bon resultancia d'esti encruz. Una planta muncho más curiosa, que foi galardonada col AGM, H4, igual que dambos de los sos proxenitores.
Anemone ranunculoides, describióse por Carlos Linneo y espublizóse en Species Plantarum 1: 541, nel añu 1753.[1]
El nome del xéneru Anemone vien del griegu ἄνεμος (anemos, que significa vientu), por una antigua lleenda que diz que les flores namái s'abrir cuando sopla'l vientu.
ranunculoides: epítetu llatín que significa "como'l xéneru Ranunculus".[2]
!["Cymbidium]("https://upload.wikimedia.org/wikipedia/commons/thumb/c/c1/Cymbidium_Clarisse_Austin_%27Best_Pink%27_Flowers_2000px.JPG/50px-Cymbidium_Clarisse_Austin_%27Best_Pink%27_Flowers_2000px.JPG")
Esta páxina forma parte del wikiproyeutu Botánica, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. La Anemone ranunculoides, anémona mariella, anémona mariella de monte o anémona taza de mantequilla, ye una especie botánica de planta yerbácea perenne del xéneru de les Anemone, incluyíu na familia Ranunculaceae, que crez en montes a lo llargo de la mayor parte de la Europa Continental, y menos frecuentemente na rexón Mediterránea. Floria ente marzu y mayu.
!["]("http://ast.wikipedia.org/wiki/Ficheru:20130414Untere_Lusshart25.jpg")
Vista de la planta con flor !["]("http://ast.wikipedia.org/wiki/Ficheru:Anemone_ranunculoides_%E2%80%94_Flora_Batava_%E2%80%94_Volume_v6.jpg")
Ilustración en Flora Batava !["]("http://ast.wikipedia.org/wiki/Ficheru:Anemone_ranunculoides1.jpg")
Ilustración
