Die Mooidikkop (Amblyeleotris wheeleri) is 'n vis wat voorkom in die Indies-Pasifiese area, die Rooisee en aan die ooskus van Afrika vanaf Oman tot by Sodwanabaai in Suid-Afrika. In Engels staan die vis bekend as die Gorgeous shrimpgoby.
Die lyf is langwerpig. Die vis se kop en lyf is witterig tot liggeel met ses dowwe rooi tot donker rooi strepe wat vertikaal oor die liggaam strek. Daar is ook baie blou kolletjies op die lyf en vinne behalwe die dorsale vinne wat rooi kolletjies op het. Die vis word tot 8 cm lank.
Die vis leef in koraalriwwe in vlak water, nooit dieper as 40 m nie. Die vis deel gewoonlik 'n nes met die garnaal, Alpheus ochrostriatus. Die vis bly by die opening en indien hy 'n roofvis sien kruip hy terug in die gat in met die garnaal op sy hakke.
Die Mooidikkop (Amblyeleotris wheeleri) is 'n vis wat voorkom in die Indies-Pasifiese area, die Rooisee en aan die ooskus van Afrika vanaf Oman tot by Sodwanabaai in Suid-Afrika. In Engels staan die vis bekend as die Gorgeous shrimpgoby.
