Die Nar-coris (Coris aygula) is 'n vis wat voorkom in die Stille Oseaan, die Indiese Oseaan, die Oman en aan die ooskus van Afrika suidwaarts tot by by die suide van KwaZulu-Natal. In Engels staan die vis bekend as die Clown coris.
Die vis word tot 70 cm lank. Die vis ondergaan kleur variasies veral tussen groei fases. Die onvolwasse vissie se lyf is wit aan die voorkant en liggrys aan die agterkant met twee groot, halfsirkel oranje kolle op die rug met 'n swartkol met 'n witrand kol bo elke oranje kol op die dorsale vin. Die volwasse wyfies het wit kruis wat die ligte voorkant van die lyf met die donkergrys agterkant skei. Volwasse mannetjies ontwikkel ook 'n groot knop op die voorkop en is donker blou-groen met een of twee groen kruise op die lyf.
Hulle leef in rots kus areas en aflandige koraal- en rotsriwwe in water wat 1 tot 50m diep is. Hulle verkies sanderige areas in die riwwe. Die onvolwasse visse word ook in tussengety poele gevind. Die visse is alleenlopers en begraaf hulle self wanneer gevaar dreig. Hulle vreet hardedop ongewerweldes.
Die Nar-coris (Coris aygula) is 'n vis wat voorkom in die Stille Oseaan, die Indiese Oseaan, die Oman en aan die ooskus van Afrika suidwaarts tot by by die suide van KwaZulu-Natal. In Engels staan die vis bekend as die Clown coris.