Die Breëbalk-vuurvis (Pterois antennata) is 'n vis wat voorkom in die Indiese – Pasifiese area en aan die ooskus van Afrika vanaf Oman tot by Park Rynie. Die onvolwasse vissies is al opgemerk in die Oos-Kaap. In Engels staan die vis bekend as die Antenna firefish.
Die vis is rooierig van kleur met breë vertikale strepe oor die lyf en kop. Die dorsale vin bestaan uit 12 afsonderlike strale, waarvan die langste langer as die liggaam is. Die pektorale vinne het 16 – 17 lang strale terwyl daar tentakels bokant die oë groei – wat herinner aan die antennes van insekte. Die vis word 20 cm lank. Daar is ook gifbuise in die dorsale-, anale- en bekkenvinne.
Die vis verkies rotsriwwe waar hy skuil in grotte en skeure in water wat nie dieper is as 50 m is nie. Die vis is 'n roofvis. Die vis kan in 'n akwarium aangehou word, maar moet versigtig hanteer word. Dit ontgroei 'n klein akwarium vinnig.
Die Breëbalk-vuurvis (Pterois antennata) is 'n vis wat voorkom in die Indiese – Pasifiese area en aan die ooskus van Afrika vanaf Oman tot by Park Rynie. Die onvolwasse vissies is al opgemerk in die Oos-Kaap. In Engels staan die vis bekend as die Antenna firefish.
