El zancarru[2] o baralloca[3] (Scyllarus arctus) ye una especie de crustaceu decápodu de la familia Scyllaridae.[4] Nun se reconocen subespecies.[4] Ye pescáu abondo sobretoo en Galicia, siendo bono d'atopar nos sos mercaos. N'Asturies fai tiempu que nun ye una especie abondosa ya que ye per avaloriada pola so carne.[5]
Presenta'l cantu del escudu de les antenes enanchaos con unos lóbulos anchos.[5] La so coloración ye coloráu ferruñoso con bandes tresversales de color coloráu brillante nel envés,[5] les cualos recuerden la cruz de Santiago, polo que recibe la so nome común de santiaguín.[6]. Tamién recibe'l nome de zapateru (especialmente, en Xixón[7]).
Algama un llargor d'ente 5 y 15 cm, siendo la so talla máxima 16 cm.[8]
Ta llargamente distribuyíu nel mar Mediterraneu y el mar Negru, asina como nel Atlánticu oriental, dende les mariñes del sur de les islles Britániques hasta les islles Azores, Madeira y Canaries.[1] Alcuéntrase a fondures d'ente 4 y 50 m., principalmente sobre fondos de pedreru o de basa y en llechos de fanerógames.[8]
El zancarru o baralloca (Scyllarus arctus) ye una especie de crustaceu decápodu de la familia Scyllaridae. Nun se reconocen subespecies. Ye pescáu abondo sobretoo en Galicia, siendo bono d'atopar nos sos mercaos. N'Asturies fai tiempu que nun ye una especie abondosa ya que ye per avaloriada pola so carne.