Gray Antbird

Les especies d'aves con nome común en llingua asturiana márquense como ^NOA. En casu contrariu, conséñase'l nome científicu o de la SEO.

Cercomacra cinerascens ye una especie d'ave paseriforme de la familia Thamnophilidae que vive en Suramérica.

Distribución y hábitat

Atópase nos niveles baxos de les selves húmedes tropicales y subtropicales de Brasil, Bolivia, Colombia, Ecuador, Guyana francesa, Guyana, Perú, Surinam y Venezuela.

Descripción

El formigueru gris ye un pequeñu páxaru d'unos 13-14 centímetros con una cola bastante llarga. Ye de color gris, más escuru percima, coles ales tiñíes de tonos marrones con un llurdiu blancu interescapular y una banda blanca na punta de la cola. La fema ye marrón oliva cola grupa más gris y con un llurdiu ablancazáu bien pequeña.

Alimentación

Aliméntase d'inseutos y bichos asemeyaos a inseutos. Suel buscalos nos árboles y partes trupes de carbes hasta un altor d'unos 6 metros percima del suelu. Pue atopase solu o xuníu a bandaes mistes. Pañador activu y metódicu en movimientu en saltos curtios d'esploración.

Reproducción

Los formigueros grises formen pareyes que permanecen xuntes, anque dacuando xúnense a grupos d'aves variaes pa buscar comida. Poco se sabe alrodiu de los sos vezos de anidación. El so territoriu de cutiu a unos 120 metros de diámetru.

Subespecies

Reconócense cuatro subespecies:

• C. cinerascens cinerascens
• C. cinerascens immaculata
• C. cinerascens iterata
• C. cinerascens sclateri

Referencies

Bibliografía

• ^[1]
• Image at ADW

Enllaces esternos

• Web de Xenocanto, con distintos cantares d'esta ave.
• Avibase Denominaciones y reconocencies de les autoridaes de los nomes d'esta ave.

1. ↑ Hilty, Steven L. (2003). en Princeton, NJ: Princeton University Press: Birds of Venezuela.