El andarón de Chapman[2] o andarón de ales azules[3] (Chaetura chapmani) ye una especie d'ave apodiforme de la familia Apodidae que vive en Suramérica. Púnxose-y el nome n'honor del ornitólogu estauxunidense Frank Michler Chapman (1864-1945).
El andarón de Chapman mide ente 13 y 14 cm de llargor. Les partes cimeres del so cuerpu son principalmente de color negru con reflexos azules na parte cimera de les ales y llombu de los adultos, anque son verdes nos xuveniles. El so obispillo ye de color pardu polo que destaca mínimamente no fondero negru, y el so banduyu ye de color gris escuru.
Alcuéntrase en Brasil, Colombia, la Guayana francesa, Guyana, Panamá, Surinam, Trinidá y Tobagu y Venezuela.[1]
El so hábitat natural son les selves húmedes tropicales de rexones baxes. Suel volar a altores ente los 100 y 1600 m.
La especie describióse científicamente pol ornitólogu austriacu Carl Edward Hellmayr en 1907.[4] Enantes considerábase que yeren variedaes de C. pelagica y C. vauxi.
La variedá considerada enantes una subespecie del andarón de Chapman, Chaetura chapmani viridipennis, describióse como una especie estreme, Chaetura viridipennis, por Manuel Marín en 2000, por cuenta de los estudios morfolóxicos y del so comportamientu.[5] Esta opinión ye compartida pol Comité de Clasificación d'América del Sur.[6]
!["Protonotaria-citrea-002]("https://upload.wikimedia.org/wikipedia/commons/thumb/5/55/Protonotaria-citrea-002_edit.jpg/80px-Protonotaria-citrea-002_edit.jpg")
Esta páxina forma parte del wikiproyeutu Aves, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. El andarón de Chapman o andarón de ales azules (Chaetura chapmani) ye una especie d'ave apodiforme de la familia Apodidae que vive en Suramérica. Púnxose-y el nome n'honor del ornitólogu estauxunidense Frank Michler Chapman (1864-1945).
