Agamia agami, ye una especie d'ave pelecaniforme familia Ardeidae de medianu tamañu, nativa d'América Central y Sudamérica. Ye l'únicu miembru del xéneru Agamia.[2]
La garza agamí vive en Méxicu, América Central (Guatemala, Hondures, Nicaragua, Costa Rica, Panamá), América del Sur (Colombia, Venezuela, Guyana Francesa, Guyana, Surinam, Brasil, Bolivia, Ecuador, Perú), y Trinidá y Tobagu.
El so hábitat consiste de banzaos y güelgaes forestales. Añeren en colonies que pueden axuntar a más de 100 niales, en plataformes de cañes y paliyos nos árboles sobre l'agua.[3] Una niarada normal consiste de dos güevos de color azul.
La garza agamí tien un tamañu de 66 a 76 cm. Les sos piernes son relativamente curties pa una garza, pero'l so picu delgáu ye relativamente llargu. El pescuezu y la parte inferior son de color castañu. Tien una llinia blanca nel centru de la nuca. Les ales son de color verde. Hai plumes azules tenues qu'afaten la cabeza, los llaos de la nuca, y la base del llombu. El color de les pates, el picu, y los parches faciales desnudos ye mariellu opacu.
Nun hai dimorfismu ente los sexos, pero'l plumaxe de los exemplares inmaduros tien un color marrón na parte cimera con una nuca blanca, y rayes de color marrón y negru na parte inferior.
A pesar del so plumaxe espectacular ye raramente vistu, pola so preferencia pa llugares seles na solombra de la vexetación. Mientres ye de normal una ave solitaria, recluyida y sele, los pares y los grupos de familia pueden emitir soníos de ronquíos o'l traqueteo característicu de los picos.
Acesmen a los pexes n'agües pocu fondes con solombra, de cutiu de pies o moviéndose bien amodo. Raramente vadean n'agües abiertes. Tamién s'alimenten de xaronques, pequeños reptiles, y cascoxos.
!["Protonotaria-citrea-002]("https://upload.wikimedia.org/wikipedia/commons/thumb/5/55/Protonotaria-citrea-002_edit.jpg/80px-Protonotaria-citrea-002_edit.jpg")
Esta páxina forma parte del wikiproyeutu Aves, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. Agamia agami, ye una especie d'ave pelecaniforme familia Ardeidae de medianu tamañu, nativa d'América Central y Sudamérica. Ye l'únicu miembru del xéneru Agamia.
!["]("http://ast.wikipedia.org/wiki/Ficheru:Agamiachicks_leofleck.jpg")
