Oreothlypis ruficapilla[1] ye una especie d'ave del orde Passeriformes y de la familia Parulidae. Ye un ave migratoria qu'añera en Canadá y Estaos Xuníos y pasa l'iviernu en Méxicu y Centroamérica.
Esta especie ye de partes dorsales pardu-olivacees y les partes ventrales marielles. Estrémase d'otres especies asemeyaes pol gargüelu mariellu y un aru blancu bien evidente alredor de los güeyos. Los machos tienen la cabeza gris y un llurdiu acoloratáu na corona que sicasí nun ye siempres visible. Les femes y los individuos inmaduros tienen la cabeza abuxada con matices oliváceos.
Reproduzse nel norte y oeste d'América del Norte (Canadá y estaos Xuníos). Na seronda migra al suroeste de los Estaos Xuníos, a Méxicu y a Guatemala. En Méxicu ye abondosu pel hibiernu na mayor parte del país, sacante les penínsules de Baxa California y Yucatán. Habita en montes, ecotonos, campos abiertos, plantíos y carbes.
Forma grupos alimenticios con otres especies. Busca alimentu ente los árboles o los parrotales, moviendo la cola cuando salta. Aliméntase principalmente d'insectos.
Oreothlypis ruficapilla ye una especie d'ave del orde Passeriformes y de la familia Parulidae. Ye un ave migratoria qu'añera en Canadá y Estaos Xuníos y pasa l'iviernu en Méxicu y Centroamérica.