!["Map]("http://ast.wikipedia.org/wiki/Ficheru:Map_marker_icon_%E2%80%93_Nicolas_Mollet_%E2%80%93_Birds_%E2%80%93_Nature_%E2%80%93_white.png"){kind=icon}
Les especies d'aves con nome común en llingua asturiana márquense como NOA. En casu contrariu, conséñase'l nome científicu o de la SEO.
'''Ficedula mugimaki,[2][3] ye una especie d'ave paseriforme de la familia Muscicapidae que vive n'Asia. El nome «mugimaki» vien del xaponés y significa "semador de trigu".[4]
Mide ente 13 y 13,5 centímetros de llargu. El machu adultu tien les partes cimeres corites con una llista superciliar blanca detrás del güeyu, un parche alar blancu, cantos blancos nes terciaries y na base de les plumes esteriores de la cola. El pechu y el gargüelu son de color anaranxáu ente que'l banduyu y les coberteras infracaudales son de color blancu. La fema ye de color marrón-buxu percima, col pechu y el gargüelu de marrón anaranxao maciu. La fema escarez de blancu na cola, tien una o dos barras pálides nes nales y llista superciliar ye débil o inesistente por completu. Los machos nuevos son similares a la fema, pero tienen el pechu de color naranxa brillante, la cola blanca y una ceya más obvia.
Reproduzse nel este de Siberia y el nordés de China. Ye una especie migratoria, pasa l'iviernu nel sudeste d'Asia, algamando l'oeste d'Indonesia y les Filipines. Hai un únicu rexistru d'una ave vagamunda en Alaska, en Shemya Island en 1985.[5] Un páxaru rexistráu en Humberside, Inglaterra en 1991 nun foi aceptáu na categoría A, d'ave montesa, pero foi puestu nuna categoría D, esto ye, probablemente seya de procedencia en cautividá. Foi reteníu na categoría D, tres una revisión en 2009.[6]
!["Modifica]("https://upload.wikimedia.org/wikipedia/commons/thumb/6/67/Notification-icon-Wikidata-logo.svg/18px-Notification-icon-Wikidata-logo.svg.png"){kind=icon}
.!["Protonotaria-citrea-002]("https://upload.wikimedia.org/wikipedia/commons/thumb/5/55/Protonotaria-citrea-002_edit.jpg/80px-Protonotaria-citrea-002_edit.jpg")
Esta páxina forma parte del wikiproyeutu Aves, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. Les especies d'aves con nome común en llingua asturiana márquense como NOA. En casu contrariu, conséñase'l nome científicu o de la SEO. '''Ficedula mugimaki, ye una especie d'ave paseriforme de la familia Muscicapidae que vive n'Asia. El nome «mugimaki» vien del xaponés y significa "semador de trigu".
