El colibrí de Clarissa[2] o angel del sol amatista[3] (Heliangelus clarisse), ye una especie d'ave de la familia Trochilidae, orde Apodiformes.
Vive en Venezuela y nel nordeste de Colombia.[4]
El Handbook of the Birds of the World[5] dixebra esta especie en cuatro subespecies estremaesː
• Heliangelus clarisse clarisse, nos Andes colombianos, nel departamentu Norte de Santander. • Heliangelus clarisse verdiscutus, al sur del departamentu Norte de Santander, en Colombia y al sur del estáu Táchira, en Venezuela. • Heliangelus clarisse violiceps, namái na Sierra de Perijá, nel estáu Zulia, Venezuela. • Heliangelus clarisse spencei, nel estáu Mérida, Venezuela[4][6].
Mide en redol a los 9 cm de llargor y pesa unos 5,3 gr de media. El so picu ye curtiu y el plumaxe de los machos ye de color verde escuru, cola corona de tonos variables escuros nes subespecies verdiscutus y spencei, púrpura na violiceps y verde pálidu na clarisse. Tienen un pequeñu parche blancu detrás del güeyu y una franxa del mesmu color nel pechu. La so cola ye ancha y llarga, de color verde bronce escuro, cola punta de les rectrices esteriores de color blancu.[4][6]
Vive en montes, sobremanera nos sos cantos y escamplaes, según en zones de monte baxu y árees de cultivu[4], n'altitúes ente los 1 800 y los 3 100 metros.[4]
El colibrí de Clarissa o angel del sol amatista (Heliangelus clarisse), ye una especie d'ave de la familia Trochilidae, orde Apodiformes.