La poliya de cecropia (Hyalophora cecropia) ye la más grande de les poliyes natives d'América del Norte. Ye un miembru de la familia Saturniidae, o poliyes sedoses xigantes. Reparáronse femes que tienen un valumbu de nales de 160 mm o entá mayores. Atópase na zona occidental de les Rocky Mountains y escontra el norte na mayoría de les provincies de Canadá. Les canesbes d'estes poliyes atópense polo xeneral en pládanos, pero sábese que tamién s'alimenten de zrezales y abedurios ente delles otres especies.
Al igual que tolos miembros de la familia de les poliyes xigantes sedoses, les poliyes nocherniegues adultes atópense diseñaes solo pa reproducise, nun tienen elementos funcionales na so boca nin un sistema dixestivu. Poro, sobreviven a lo más unes dos semana.[1]
P'atraer un machu, la fema de la poliya de cecropia emite feromones que son detectaes poles antenes del machu que son n'estremu sensibles pudiendo detectala hasta a una distancia de casi 1.5 km. Un machu puede llegar a volar hasta unos 10 km en busca d'una fema. El apareamiento empieza ceo pela mañana y estiéndese hasta l'atapecer. Depués la fema deposita unos cien güevos, de los que se desenvuelven diminutes gates negres.
Estes canesbes aliméntense de numberosos árboles y parrotales, incluyíos pládanos, abedurios y pumares.[2] Al dir creciendo, puede reparase que el color negru en realidá provien de pequeños pelillos negros que crecen dende tubérculos (pequeñes proyeiciones) que cubren tol so cuerpu, que primeramente ye de un color mariellu-verdosu. Al did creciendo la canesba, la coloración camuda a verde verde-azulada, y los tubérculos tomen un tonu azul, mariellu o naranxa, dependiendo en que sector del cuerpu atópense, ente que los pelillos negros van esprendiéndose. Al algamar el maduror na seronda, les gates qu'agora miden unos 10 cm de llargu, texen brotos sobre árboles o estructures de madera d'onde van remanecer como adultos nes primeres dos selmanes de clima templáu a empiezos del branu. Les poliyes de Hyalophora cecropia son univoltinas, esto ye producen una xeneración per añu.
Ye bien fácil estremar ente los dos sexos d'esta especie. La diferencia más obvia ye l'antena plumosa. Los machos tienen antenes plumoses ente que les femes tienen antenes de menores dimensiones y con menor cantidá de pelillos. Les femes tamién tienen un abdome de mayores dimensiones más arrondáu qu'el de los machos.
Les poliyes son atacaes por delles pestes. Parasitoides, tales como delles especies d'aviespes y mosques, asitien los sos güevos dientro o sobre les gates nueves. Los güevos producen canesbes que s'alimenten de los órganos internos y músculos de les gates. Los parasitoides lliberen químicos qu'interfieren colos mecanismos de regulación de la canesba. Una vegada qu'el parasitoide creció lo suficiente, induz a que la gata tórnese pupa. Una vegada que les canesbes empiecen el so ciclu de pupa, les gates parasitoides tamién empiecen el so ciclu como pupa, matando a la pupa de cecropia. Los esguiles tamién peracaben pupes de poliyes cecropia, lo qu'afecta de manera significativa a les poblaciones. La fradadura d'árboles y les lluces pela nueche tamién afecten a les poliyes cecropia.
!["]("http://ast.wikipedia.org/wiki/Ficheru:Hyalophora_cecropia_eggs_sjh.JPG")
Güevos de Cecropia
!["]("http://ast.wikipedia.org/wiki/Ficheru:Hyalophora_cecropia_1st_instar_sjh.JPG")
Primer estadiu sobre una zrezal.
!["]("http://ast.wikipedia.org/wiki/Ficheru:Bronte_Creek_PP_caterpillar.JPG")
Canesba en Toronto
!["]("http://ast.wikipedia.org/wiki/Ficheru:Hyalophora_cecropia_caterpillar.jpg")
Canesba
!["]("http://ast.wikipedia.org/wiki/Ficheru:Hyalophora_cecropia_cocoon.jpg")
Brotu
!["]("http://ast.wikipedia.org/wiki/Ficheru:Hyalophora_cecropia_male_pupa_2,_MM.jpg")
Pupa machu
!["]("http://ast.wikipedia.org/wiki/Ficheru:Hyalophora_cecropia_adult_male_sjh.JPG")
Machu adultu
!["]("http://ast.wikipedia.org/wiki/Ficheru:Hyalophora_cecropia_adult_female_sjh.JPG")
Fema adulta
!["]("http://ast.wikipedia.org/wiki/Ficheru:Hyalophora-cecropia-mating.jpg")
Adultos dempués del apareamientu
!["]("http://ast.wikipedia.org/wiki/Ficheru:Hyalophora_cecropia2.jpg")
Adultu
!["]("http://ast.wikipedia.org/wiki/Ficheru:Hyalophora_cecropia_emerge.jpg")
Machu adultu de cecropia dempués de la eclosión
!["Modifica]("https://upload.wikimedia.org/wikipedia/commons/thumb/6/67/Notification-icon-Wikidata-logo.svg/18px-Notification-icon-Wikidata-logo.svg.png"){kind=icon}
.La poliya de cecropia (Hyalophora cecropia) ye la más grande de les poliyes natives d'América del Norte. Ye un miembru de la familia Saturniidae, o poliyes sedoses xigantes. Reparáronse femes que tienen un valumbu de nales de 160 mm o entá mayores. Atópase na zona occidental de les Rocky Mountains y escontra el norte na mayoría de les provincies de Canadá. Les canesbes d'estes poliyes atópense polo xeneral en pládanos, pero sábese que tamién s'alimenten de zrezales y abedurios ente delles otres especies.
