El Tritón alpín español (Ichthyosaura alpestris cyreni, antes Triturus alpestris cyreni y Mesotriton alpestris cyreni) ye una subespecie de Ichthyosaura alpestris, anfibiu urodelu de la familia Salamandridae. El so tamañu nun supera los 11 cm. El machu presenta en dómina de celu un coloríu únicu ente los urodelos d'España. Ye una forma endémica bien estremada del restu de les poblaciones europees tantu por traces morfolóxiques como moleculares. Según datos xenéticos, esisten dos grupos poblacionales dientro d'esta subespecie, unu oriental, qu'incluyiría les poblaciones navarres, guipuzcoanes y del este d'Álava y otru occidental qu'arrexuntaría al restu de poblaciones.
La so distribución ta acutada a la Cornisa Cantábrica. Alcontrae dende l'oeste d'Asturies hasta les sierres del oeste de Navarra, atopase al norte de Lleón, Palencia y Burgos, según n'Álava y delles zones de Vizcaya y Guipúzcoa. El so llende sur ta marcáu pel Monte Palentina y la Sierra de Híjar, anque esiste una población na Sierra de Guadarrama, Peñalara, introducida apocayá pol home.
Puede atopáse-y en diversos tipos d'hábitat, dende pacionales hasta montes de fayes y carbayos. Alcontrase n'agües seles, incluyendo poces de regueros y llagos d'altu monte pero ocupa tamién llamargues temporales, fontes, bebederos y marismas. La especie ocupa principalmente biotipos d'alta y mediu monte, algamando los 2.200 msnm nel Cordal Cantábricu, anque se-y puede atopar al nivel del mar n'Asturies, Cantabria y Vizcaya.
Con frecuencia ta acompañáu por otres especies de tritones, especialmente Lissotriton helveticus, pero tamién por Triturus marmoratus y Lissotriton boscai, siendo entós la especie menos abondosa.
Anque polo xeneral puede considerase una especie ensin amenaciar na parte occidental de la so área de distribución, sicasí na zona oriental, nel País Vascu y Navarra, son escasos y con problemes d'aislamientu.
Les principales amenaces son l'alteración y destrucción de los hábitat favorables, tanto acuáticos como terrestres. La introducción de pexes y la nitrificación y eutrofización de delles llamargues y llagos d'altu monte.
!["]("http://ast.wikipedia.org/wiki/Ficheru:Mesotriton_aplestris_side_view_chrischan.jpeg")
tritón Alpinu El Tritón alpín español (Ichthyosaura alpestris cyreni, antes Triturus alpestris cyreni y Mesotriton alpestris cyreni) ye una subespecie de Ichthyosaura alpestris, anfibiu urodelu de la familia Salamandridae. El so tamañu nun supera los 11 cm. El machu presenta en dómina de celu un coloríu únicu ente los urodelos d'España. Ye una forma endémica bien estremada del restu de les poblaciones europees tantu por traces morfolóxiques como moleculares. Según datos xenéticos, esisten dos grupos poblacionales dientro d'esta subespecie, unu oriental, qu'incluyiría les poblaciones navarres, guipuzcoanes y del este d'Álava y otru occidental qu'arrexuntaría al restu de poblaciones.
