La Hipparchia -Pseudotergumia- fidia ye una especie de lepidópteru ditrisio de la familia Nymphalidae perteneciente a la subfamilia de les Satyrinae, propia de la rexón mediterránea. Linnaeus 1767.[1]
Tratase d'una caparina bastante grande dientro del grupu de les Satyrinae, algamando un valumbu d'unos 6 cm. La cara inferior de les nales presenta unos tonos predominantemente buxos, que dexa a esta caparina pasar práuticamente desapercibida cuando se posa sobre los suelos predresos, onde resulta bien difícil estremala cuando se queda totalmente inmóvil. [2]
Confía entós dafechu nel so camuflaje y ye posible, por ello, averase a escasos centímetros d'ella. Destaquen, na cara inferior de les nales, una amplia ya irregular banda gris-blanca zigzagueante, sorrayada de negru, que traviesa la nala de par en par y qu'oldea netamente col fondu más escuru de la mesma, según grandes ocelos negros puntiaos de blancu y corralaes por un aniellu de color beige-mariellu. La cara cimera ye de tonos escuros, marrón.
Especie mediterránea presente na Península Ibérica, y nel norte d'África, (Magreb), Arxelia, Tunicia, tamién vive nel sur de Francia (mariña mediterránea), algamando'l noroeste d'Italia. Ye una especie propia de zones abiertes , (incluyendo monte abiertu), seques, templaes y predreses. vuela de 0-1400 metros n´Europa, en África de 1000-2000 metros. [3]
Univoltina, tan solo reparase nuna única xeneración en tola so área de repartición, que vuela de fin de xunu a d'agostu n'Europa, y en noroeste de África de xunetu a ochobre.
Les gates o canesbes, aliméntense de distintes especies de gramínees Brachipodium pinnatum, P. pratensis, Festuca elegans, S. parviflora, Stipa, Cynodon dactylon, Dactylus glomerata. etc.
Gústen-y escamplaes de monte, roquedales, pindios rocoses, calides con maleza y zones arbustives.
Estadiu de hibernación no confirmau.
La Hipparchia -Pseudotergumia- fidia ye una especie de lepidópteru ditrisio de la familia Nymphalidae perteneciente a la subfamilia de les Satyrinae, propia de la rexón mediterránea. Linnaeus 1767.