Straaldiertjies (Radiolaria) is ’n groep baie klein, eensellige organismes wat tot die supergroep Rhizaria behoort. Hulle word in alle oseane aangetref en is sedert die Kambrium bekend. Ondanks hul naam is hulle nie regte diere nie.
Straaldiertjies word in baie verskillende soorte en groottes aangetref. Die grootte kan wissel van 0,03 tot 2 mm en ’n mikroskoop is nodig om hulle te sien. Die vorm van hul skelet wissel ook in ’n groot mate.
