Rooigras (Themeda triandra) is een van die belangrikste grasspesies van Suid-Afrika. Dit is inheems en kom in alle provinsies voor, maar dit word ook wydverspreid buite die land aangetref.[1]
Dit word in soetveldstreke as 'n soetgras beskou, maar as suurgras in suurveldstreke. Hoe hoër die reënval van 'n streek hoe suurder die veld gewoonlik is. Rooigras is 'n meerjarige spesie wat dikwels 'n klimaksgras is. Dit wil sê dat dit sal oorheers in 'n volwasse gemeenskap wat vir 'n hele aantal jare gerus word ontwikkel.[2]
Dit word 30 cm tot 150 cm hoog. Die jong gras is groen of blougroen, maar dit kry pienk, rooi of pers kleure as dit ouer word. In Oktober tot Julie kry dit hangende blompakkies wat drie puntige uitsteeksels het. Die aanwesigheid van rooigras dui op 'n gesonde toestand van die veld.[3]
Rooigras is 'n belankrike deel van die oorspronklike laagrenosterveld.[4]
Rooigras (Themeda triandra) is een van die belangrikste grasspesies van Suid-Afrika. Dit is inheems en kom in alle provinsies voor, maar dit word ook wydverspreid buite die land aangetref.
Dit word in soetveldstreke as 'n soetgras beskou, maar as suurgras in suurveldstreke. Hoe hoër die reënval van 'n streek hoe suurder die veld gewoonlik is. Rooigras is 'n meerjarige spesie wat dikwels 'n klimaksgras is. Dit wil sê dat dit sal oorheers in 'n volwasse gemeenskap wat vir 'n hele aantal jare gerus word ontwikkel.
Dit word 30 cm tot 150 cm hoog. Die jong gras is groen of blougroen, maar dit kry pienk, rooi of pers kleure as dit ouer word. In Oktober tot Julie kry dit hangende blompakkies wat drie puntige uitsteeksels het. Die aanwesigheid van rooigras dui op 'n gesonde toestand van die veld.
Rooigras is 'n belankrike deel van die oorspronklike laagrenosterveld.
