'''Tangara schrankii ye una especie d'ave paseriforme de la familia Thraupidae, que s'atopa en Bolivia, Brasil, Colombia, Ecuador, Perú y Venezuela.[1]
Vive nel la canopia del monte húmedu del occidente de la Amazonia, tantu na tierra firme, como nes zones inundables y los cantos del monte y nos tepuyes,[2] a menos de 1.600 m de altitú.[3]
Mide 13,5 a 14 cm de llargor. El plumaxe del envés ye verde brillante con llistes negres; presenta frente y mázcara negres; la corona y la grupa son marielles; la cola y les nales son negres con amplios cantos azules; el gargüelu y los lladrales son verdes y el pechu y el banduyu mariellos.[2][4]
Aliméntase d'inseutos que busca nes fueyes, principalmente de la parte alta de los árboles, y amás come frutos.[2]
'''Tangara schrankii ye una especie d'ave paseriforme de la familia Thraupidae, que s'atopa en Bolivia, Brasil, Colombia, Ecuador, Perú y Venezuela.